Kubadilisha Kichujio cha Mafuta (Fuel Filter)

Utangulizi: Fuel filter inakamata uchafu na kutu kutoka kwenye tanki kabla havijafika kwenye injini. Kichujio kilichoziba hupunguza nguvu ya injini. Vifaa vinavyohitajika:

• Kichujio kipya cha mafuta
• Seti ya socket au spana
• Vitambaa (mafuta yatamwagika kidogo)
• Chombo cha kukusanyia mafuta

Usalama: Mafuta ya petroli yanawaka moto kwa urahisi sana. Hakikisha hakuna cheche, sigara, au joto kali karibu. Vaa miwani ya kinga. Hatua za kufuata:
1. Punguza shinikizo la mafuta kwa kutoa fuse ya 'fuel pump' na kuwasha gari mpaka lizime lenyewe.
2. Tafuta kichujio (mara nyingi kiko chini ya gari karibu na tanki au ndani ya chumba cha injini).
3. Fungua klipu au nati zinazoshikilia mabomba ya mafuta kwenye kichujio.
4. Kuwa tayari na kitambaa maana mafuta yaliyobaki kwenye bomba yatamwagika.
5. Ondoa kichujio cha zamani na uweke kipya. Muhimu: Hakikisha mshale wa 'Flow' kwenye kichujio enaelekea kwenye injini.
6. Funga klipu zote vizuri.
7. Rudishia fuse na uwashe gari. Inaweza kuchukua muda kidogo kuwaka mpaka hewa itoke kwenye mfumo.
8. Ukikagua uvujaji baada ya kuwasha, utakuwa umekamilisha kazi.